༡༩༧༧ལོར་མདོ་སྨད་བླ་བྲང་བསང་ཆུ་རྫོང་དུ་སྐྱེས། ཁོང་གིས་རྒྱ་གར་ལྷོ་ཕྱོགས་འབྲས་སྤུངས་དགོན་དུ་ནང་ཆོས་སློབ་གཉེར་བྱས། རྗེས་སུ་ཕྱིར་བོད་ནང་དུ་འབྱོར་ཏེ་རྔ་བ་རྫོང་མཁར་དུ་གཞིས་ཆགས། <<གངས་རྒྱན་མེ་ཏོག>>སྟེང་དུ་སྙན་ངག་མང་པོ་སྤེལ་བ་དང། <<དུས་རབས་ཀྱི་ང་>>ཞེས་པའི་དུས་དེབ་རྩོམ་སྒྲིག་པའི་ལས་ཀ་གཉེར།
༡༩༧༨ལོར་མདོ་སྨད་ཁྱུང་མཆུ་རྫོང་དུ་སྐྱེས། སི་ཁྲོན་རྔ་བ་ཁྱུང་མཆུ་རྫོང་ས་གནས་ལོ་རྒྱུས་ཞིབ་འཇུག་ཁང་གི་ལས་བྱེད་པ། ཡུམ་སྐད་རྩོམ་པ་པོ་དང་སི་ཁྲོན་རྩོམ་པ་པོ་མཐུན་ཚོགས་ཀྱི་ཚོགས་མི་ཡིན་ལ། བོད་ནང་དུ་རྩོམ་རིག་བྱ་དགའ་མང་པོ་ཐོབ་མྱོང། བརྩམས་ཆོས་<<རོ་ལངས>>པར་བསྐྲུན་བྱས་ཡོད།
རྒྱ་ནག་ནང་ཁུལ་དུ་བོད་ཀྱི་རྩོམ་རིག་དྲ་བ་སྟེ“མཆོད་མེ་བོད་ཀྱི་རྩོམ་རིག་དྲ་བ”འི་རྩོམ་སྒྲིག་པ་དང་རྩོམ་པ་པོ། ༢༠༠༩ལོའི་ཟླ་༢ཚེས་༢༦ཉིན། ཀན་སུའུ་ཞིང་ཆེན་ཀན་ལྷོ་བོད་རིགས་རང་སྐྱོང་ཁུལ་རྨ་ཆུ་རྫོང་དུ་རང་ཁྱིམ་ནས་འཛིན་བཟུང་བྱས། ༢༠༠༩ལོའི་ཟླ༡༡ནང། ས་གནས་སྲིད་གཞུང་ཁྲིམས་ཁང་གིས་ལོ་བཅོ་ལྔའི་དུས་བཅད་བཙོན་འཇུག་བྱས་འདུག