ལྗང་བུའམ་རྡོ་རྗེ་ཚེ་རིང།

ལྗང་བུའམ་རྡོ་རྗེ་ཚེ་རིང༌ལགས་ནི། ༡༩༦༣ལོར་མཚོ་སྔོན་ཞིང་ཆེན་རྨ་ལྷོ་རྫོང་དུ་སྐྱེས། རྫས་འགྱུར་དགེ་རྒན་དང་སྲིད་གཞུང་གི་དྲུང་ཡིག རྩོམ་རིག་རྩོམ་སྒྲིག ཆེད་ལས་རྩོམ་པ་པོ་བཅས་ཀྱི་ལས་ཀ་གཉེར་མྱོང༌། ད་ལྟ་ཧྥ་རན་སི་ཡི་སློབ་གྲྭ་ཆེན་མོ་ག་གེ་མོ་རུ་བོད་ཀྱི་རྩོམ་རིག་སྐོར་གྱི་ དཔེ་ཁྲིད་དགེ་རྒན་གནང་མུས་སུ་ཡོད། སྙན་ངག་པ་འདི་ཉིད་ཀླད་དབང་གི་རིམ་པ་མཐོ་ཞིང་མཐོང་རྒྱ་ཡངས་པའི་བོད་སྔ་མའི་གསར་དར་སྙན་ངག་གི་སྲོལ་འབྱེད་པའི་རིགས་སུ་མཐོང་ཞིང༌། དྲ་ཕབ་རྒྱུར་དགའ་བའི་སེམས་བྱུང་དེས་སྙན་ངག་རང་སྟེང་གི་མཛེས་པ་དེ་ཉིང་བཅུད་ ལས་དགོས་མཁོ་ཆེ་ཙམ་དུ་མཐོང་མཁན་ཞིག་ཏུ་འདུག་པས་ན། བོད་ཀྱི་སྙན་ངག་གསར་བའི་ཆུ་མགོ་དེ་ཁ་ཕྱོགས་གཞན་ཞིག་ཏུ་འཁྲིད་པའི་དགེ་མཚན་ གྱིས་སྤྲས་ཡོད་ཅིང༌། རང་གི་གཞུང་ལུགས་ལྟ་བུ་ཞིག་ལྟོས་བཅས་ཀྱིས་གྲུབ་ཡོད་པའི་བོད་ཀྱི་སྙན་ངག་པ་ ཐོག་མ་རང་ཡིན་ཞིང༌། གཏན་ཚིགས་ཀྱི་རང་བཞིན་གཏོར་བའི་སྙན་ཚིག་གི་རིག་པ་ཡ་མཚན་པ་དེས་མི་རྣམས་ལ་ བསམ་པའི་རྒྱགས་ཕྱེ་ཕུན་སུམ་ཚོགས་པ་ཞིག་གསར་དུ་འདོན་སྤྲོད་ཐུབ་ཡོད་མོད། ཁོ་བོ་ལྟར་ན་སྙན་ངག་པ་འདིའི་འགྱུར་བཟོའི་དོད་ཀྱི་འཕེལ་ཚུལ་དེ་ཡིས། མཐར་ཐུག་གི་ཉེན་ཁའང་ཆེས་ཆེན་པོ་བཟོ་མཁན་གྱི་སྙན་ངག་པ་ཞིག་ཏུ་མི་འགྱུར་བའི་ ངེས་པའང་མེད་སྙམ།

བོད་ཡིག་གི་བརྩམས་ཆོས་ལ།སྙན་ངག་དེབ་ལྗང་བུའི་རྩོམ་བཏུས། ལྷུག་རྩོམ་དེབ་ལྗང་བུའི་རྩོམ་བཏུས། གཟི་མིག་དགུ་བ་བཅས་པར་དུ་བསྐྲུན་ཡོད།

Leave a Reply